Nobeta ‘Ocalanî rê Azadîye’ ya bajarê Strasbourgî ya Fransa verê awanîya Konseya Ewropa de 25’ê Hezîran a 2012’î ra nata bi hawayêkê bêmabênî seba azadaîya Ocalanî yena viraştene.

Nobetdarê nê hewteyî grûba bajarê Hannoverî ya Almanya ya. Zereyê grûbe de cinîyê Êzidîyî Edel Aslane û Xezal Yaltî û Koçer Adibellî û Mehmet Salih Bager estê. Edel Aslane bi nameyê grûbe qisey kerd û vat ke esaretê 20 serran ê Ocalanî bi tu hawayî nêno qebulkerdene. Aslane vist vîrî ke çalakîya nobete ya ke verê awanîya Konseya Ewropa de yena rayraberdene serra 8’ine de ya, heta ke çalakî bireso amacê xo ê do çalakî bidomnê. Aslane ard ziwan tecrîdkerdişê Ocalanî bi xoverdayîşê grevanê vêşanîye û xoverdayîşê mayan ame qedînayene, la înan newe ra fînayo dewre. Aslane vat heta azadîya Ocalanî do şaro Kurd fek mucadeleyî ra vera nêdo û veng da heme Kurdanê Ewropa ke çalakîya nobete rê wayîr vejîyê. Çalakîya ‘Nobeta Ocalanî rê azadîye’ hewteyo ravêrte hetê cinîyanê Êzidîyan ra amîbî dewamkerdene.