Çalakîya nobete ya seba azadîya Rayberê Şarê Kurdî Abdullah Ocalanî 25ê hezîrana 2012î de verê bînaya Konseya Ewropa ya şaristanê Strasbourgî ya Fransa de dest pêkerdbi. Çalakîye 416 hewteyî yo ke dewam kena. Nobetdarê nê hewteyî zî temsîlkarê dezgehanê kurdan ê Ewropa yê.

Hemsereka Kongreya Komelê Demokratîke ya Kurdîstanijan a Ewropa (KCDK-E) Fatoşe Goksungur, endamê PYDyî Ahmed Abdolah, Platformê Kurdan ê Anatolîya Mîyanêne (PKAN) ra Omer Koyuncuel, Komelê Îslamî yê Kurdîstanî (CÎK) ra Necmettîn Erkendî, TEV-ÇANDî ra Ozan Berbang û NAV-BELî ra Torî Rojer tewrê nobetê nê hewteyî bîyî.

Hetê bînî ra Federasyonê Elewîyan ê Demokratîkan (FEDA) Kemal Samer, endamê Dîwanê KCDK-E Demîr Çelîk, Hemşaredara verêne ya Sixkî Nezahate Erguneş û temsîlkarê dezgehanê Ewropa û Swîsre zî tewrê çalakîyî bîyî.

Seba ke çalakîye dekewena serrgêra 9. 25ê hezîrane de eşkerayîyêka çapemenîye do bêra dayene.