Wekîlê Partîya Sosyalîste Freddy Andre Ovstegardî derheqê operasyonê Tirkîya yê vera Başûrê Kurdîstanî de persê 'Wezîrîya Karanê Teberî operasyonê Tirkîya şermezar bikera yan nê?' pers kerdbi. Wezîra Karanê Teberî ya Norweçî Ine Marie Eriksen cewab da pers.

Ine Marie Eriksen cewabê xo de vat: ''Ma Başûrê Kurdîstanî de zêdîyayîşê leşkerî yê Tirkîya ra qerqilîyenê. Tirkîya cuya sivîlan, malanê sivîlan û waranê sivîlan kena binê tehlukeyî. Senî ke ma kerdişê Tirkîya yê vera Sûrîye bi zelalî eşkera kerdî, ma wazenê Tirkîya Iraq de çarçewa huqûqê mîyanneteweyî de têbigêra. Selahîyetdaranê Iraqî vera hêrişan û binpaykerdişê serwerîya Iraqî tewirê xo mojna. No tewir hêrişê Tirkîya yê vera Mexmûrî 6ê hezîrane ra dima ame dibarekerdene.''