Rojnameger û nuştox Abdulkadîr Konuko ke 76 serre bi, şaristanê Kolnî yê Almanya de dinyaya xo bedilnaye.

Konuko ke xeylêk zîndanan de tepişte mendbi pê çalakîyêka çekdare zîndanî ra amebi remnayene û şibi teberê welatî.

Konukî kitabê sey ''Dağdan Kopan Özgürlük”, “Bizim Ferhat-Bir Cinayetin Anotomisi”, “Çözülme”, “Erdal Eren” û “Dağın Öteki Yüzü” nuştbî û Gelîya Bekaa de Rayberê Şarê Kurdî Abdullah Ocalanî û gerîlayan de roportajî zî kerdbî. Konukî rojnameyanê sey Yeni Ülke, Özgür Gündem, Özgür Politika de xebitîyabi.

Romanê ci “Dağdan Kopan Özgürlük”î qala gerîlayan û Abdullah Ocalanî kerdêne la kitab wexto ke weşanîya cade amebi qedexekerdene.

Dewleta tirke bi serran Almanya ra waştbi ke Konuk teslîmê ci bikera.