Bi wesîleya serrgêra Şorişê Rojawanî bajarê Obero yê Swêdî de şayîyêke ameye organîzekerdene.

Şayîya ke bi rêgirwtişî dest pêkerde de hunermendanê sey Gursel, Kamuran, Rojhelat, Nuwefaq û Muratî ca girewt. Bi nameyê KNKyî Serdar Dizayî qiseykerdişêk kerd. Bi nameyê Merkezê Komelê Demokratîkî zî Ridvan Altunî qisey kerd. Qiseykerdişan de bale ameye antene ser ke şoriş senî bi bedalanê girdan ame kerdene û ame vateneke gerek bi xoverdayîşî bêro pawetene. Reyna şehîdî ameyî yadkerdene  û xoverdayîşê gerîlayan ê Heftanînî ame selamkerdene. Şayî bi deyîran û govende qedîyaye.