Hêrişê cîhadîstî yê paytextê Fransa Paris û paytextê Avusturya Viyana şaristanê Osnabruckî yê Almanya de rayberîya kurdan de bi nawnayîşêk ameyî şermezarkerdene.

Bi vengdayîşê Merkezê Komelê Demokratîkî yê Kurdan temsîlkarê Partîya Çepe (Die Linke), Likos, Omas Gegen Rechts, Linkjugend (Ciwanê Çepgîrî), NoLagerOS, AJOL û SDAJ tewrê nawnayîşî bîyî.

Cinîyêka ciwane ya kurde meydanê çalakîye de qisey kerd û vat: ''Wa her kes bizano êyê ke vera merdimanê ma şer kenê, êyê ke paştî danê Tirkîya xîret kenê ke DAÎŞ newe ra bi rêxistin bikerê.''

Çalakîye de ame waştene ke qedexeyê PKKyî bêro wedaritene, polîtîkaya krîmînalîzekerdişê Têgêrayîşê Azadîye yê Kurdan bêra qedînayene û paştî nêra dayene dewleta tirke.