Paytextê Fransa Paris de bi beşdarîya xeylêk kesan Roja Vindîbîyayeyan a Dinya ameye kerdene. Çalakîye de barbarîya dewleta tirke ameye şermezarkerdene.

TJK-F, CDK-F zî tewrê çalakîyan bîyî. Nameyê nînan ser o Bêrîvane Firat ard ziwan ke dewleta tirke bi cînayetanê faîlî meçhulan 18 hezar kurdî dayê vinîkerdene û vat: ''Zafê nê cînayetan bi destê Hîzbullahî ameyî kerdene. Bi destê AKPyî çar endamê Hîzbullahî ewro Meclîs de yê. Mayê Şemeyî 1013 hewte yê Îstanbul de meydanê Galatasarayî de aqîbetê domananê xo persenê. La dewleta tirke tedaya nînan zî kena.''

Nameyê Komeleya Femede ser o Dayîka bi nameyê Nassera qisey kerd. 

Nassera dîyar kerdke 20 serran ra zafêr o a seba ke aqîbetê lajê xo bimusa têkoşîn kena. Nassera bale ante ser ke dewleta tirke cenazayê şerwananê kurdan bi kargoyî şawena keyeyanê nînan û venga pêro kesan da ke paştî bidê têkoşînê kurdan.