Banlîyoyê Drancyî yê Parisî de seba azadîya Rayberê Şarê Kurdî Abdullah Ocalanî çalakîyêke ameye kerdene.
Nêzdîyê 100 aktîvîstê ciwanî çarçewa hemleya 'Meverde' de pê şîarê ''Destûr mede tecrîd û faşîzm'' ameyî pêser û înan posterê Rayberê Şarê Kurdî Abdullah Ocalanî û alayê PKKyî kiriştî. Ciwanan dest pê rayraşîyayîşî kerd û pê ziwanê kurdkî û fransizkî sloganê ''Biciwîyo Serek Apo'', ''Ocalanî rê azadîye'' û ''Faşîst Erdogan'' ardî ziwan.
Ciwanan pankarta ''Ocalanî rê azadîye'' akerde û bi kurdkî û fransizkî zî pankarta bi nuşteyê ''Şîdetê vera têgêrayîşê cinîyan wa biqedo'' û ''Faşîzmê tirkan vindarne'' akerdî. Ciwanan wextê rayraşîyayîşî de fîşekê hewatî dûyo rengîn xebitnayî.
Rayraşîyayîşî ra dima nawnayîşêk ame kerdene.