Parîs de paştdayîşê grevê vêşanîye
Konseya Kurdan a Demokratîke ya Fransa (CDK-F) seba ke derheqê tecrîd û grevê vêşanîye de zanayîşan bida rayapêroyî verê Garê Trene yê Le Bourgetî yê Banliyoyê Parîsê de vilawekî kerdî vila.
Parîs de Kurdistanijan bi çalakîyêk bale ante tecrîdê serê Rayberê Şarê Kurdî Abdullah Ocalanî ser û paştî daye xoverdayoxanê grevê vêşanîye.
Çalakîya ke saetanê tewr sixletan de ameye viraştene, tecrîd û bêvêgîya Ewropa ameyî protestokerdene û bale ancîya serê grevê vêşanîye yê ke bi serkêşîya hemsereka KCD’yî û parlementera HDP’yî Leyla Guvene hepisxaneyan, Strasboûrg û zaf bajaranê bîna ê Ewropa de ameyî destpêkerdene. Dazanayîşê rayapêroyî yo ke qasê di saetan dewam kerdo eleqeyêko gird dî.
CDK-F’yî da zanayene ke, aktivîte û çalakîyê ke 3 hewteyî ra nata Banliyoyê Drancyî de vera tecrîdê girankerdeyî yê serê Ocalanî her roja Îneyî yenê viraştene naye ra dima zî do dewam bikerê.
