Paris de vengdayîşê CDK-Fyî ser o pê beşdarîya Koordînasyonê Komeleyanê Armenîyan ê Fransa (CCAF), Partîya Çepgîre ya Fransa, Partîya Komunîste ya Fransize (PCF), France Kurdistan Ensemble û Tamazgahî rayraşîyayîşê 'Kurdîstanî Bipawê' ame kerdene.

Rayraşîyayîş de hêrişê îşxalî yê dewleta tirke yê vera Başûrê Kurdîstanî ameyî şermezarkerdene û bêvengîya Ewropa ameye şermezarkerdene.

Rayraşîyayîş dima vurîya nawnayîşî. Nawnayîş de Hemserekê CDK-Fyî Necmettîn Demîralpî qisey lerd û pare kerd ke qet yew hêz nêeşkeno verê îradeyê kurdan de vindero. 

Hetkarê Hemserekê Partîya Çepgîre Jean Christophe Selinî zî îfade kerd ke ê do şarê kurdî reyde bibê û vat: ''Ma terefgîrê çareserîya dewaya kurdan ê. Her çîyî ra verî ganî embazê ma Abdullah Ocalan bêro veradayene û PKK lîsteya terorî ra bêro vetene.''

Nawnayîş de Şivan Perwer, Vîchen Tardînîan, Fatoum û Tria Gayoneh vejîyayî sehne ser.