Paytexrê Fransa Paris de serrgêra 46. ya ronayîşê Partîya Karkerana a Kurdsîtanî (PKKyî) bicoşî ameye pîrozkerdene.  Şayîya ke hetê komeleyanê kurdan ê Villiers Le Bel û Drancyî ra ameye organîzekerdene bi seyan kesî tewrê ci bîyî.

Hemserekanê Konseya Kurdanê Demokratîkan ê Fransa (CDK-F) Xanê Akdogan û Şahin Polatî vat ê hêzê xo xoverdayîşê gerîlayan û Rayber Apoyî ra genê.

Endamê Konseya Rayberdişî ya KCKyî Zubeyîr Aydarî zî vat: ''Ma sey şarê kurdî û heme dezgehanê kurdan dormeyê rayber Apoyî de yê. Muxatabê haştîye Rayber Apo yo. Rayber Apo îradeyê ma yo, o çi vano ma peyê ci de yê.''

Badê qiseykerdişan şayîye bi deyîranê Hozan Şemdin, Nûarîn, Farqîn Azad, Îbo Qamişlo, Hozan Maruf, Ulaş Kelaşîn, Tuncay Dilêmin û Devrim Azadî û govende dewam kerd.