Paytextê Fransa Paris de aktîvîstê Têgêrayîşê Ciwanan ê Şorişgêran (TCŞ) semedê protetokerdişê tecrîdê vera Rayberê Şarê Kurdî Abdullah Ocalanî vizêr reyna kuçeyan de bî.

Çalakîya ke çarçewa hamleya 'Pîya serewedaritiş'î de ameye kerdene de bi pankart û sloganan azadîya Ocalanî ameye waştene. Çalakwanê ke hetê Şaredarîya Cobeilî rayra şîyî de derheqê tecrîdê Îmraliyî û felsefeya Ocalanî de vilawekî vila kerdî û qiseykerdişan de veng da ke   wa tecrîdo ke her tim yeno xorîkerdene bêro wadaritene.