Bajarê Bielî yê Swîsre,bajarê Reutlingenî yê Almanya   û paytextê Fransa Paris de bi vengdayîşê KCDK-E  kurdîstanijî û dostê înan vejîyayî kuçeyan azadîya Rayberê Şarê Kurdî Abdullah Ocalanî waşte.

Bi tewrbîyayîşê kurdistanijî û dostê înanê ke Bern û Fribourgî ra ameyî Biel de serkêşîya TCŞ (Tevgera Ciwanên Şoreşger)  û TekoJIN (Jinên Ciwan ên Têkoşer) rayraşîyayîş ame kerdene. Badê rayraşîyayîşî eşkerayîye ameye dayene. Eşkerayîye de ame vîrvistene ke xeylêk wext o Abdullah Ocalanî ra xebere nînan girewtene û semedê xurtkerdişê têkoşînî ame vengdayene.

Bi eynî waştişî Paris de zî serkêşîya têgêrayîşê ciwanan de  adresanê cîya cîyayan de di şar vejîya kuçeyan azadîya Abdullah Ocalanî waşte.

Ciwanan vera tecrîdê Îraliyî û bêvengîya dezgehanê eleqedaran ê Ewropa hêrsê xo ard ziwan û vat, “Rayber Apoyî rê mektubê tehdîtî yenê şawitene. Ma sey ciwananê kurdan vera na rewşe nêeşkenê bêveng bimanê.” Ciwanan veng da ciwananê kurdan ê Ewropa ke wa wirzê payan ser.

Reutlingen de zî hetê ciwananê kurdan ra çalakîyêke ameye organîzekerdene. Çalakîye de tecrîd ame şermezarkerdene û azadîya Ocalanî ameye waştene.