Paris, Marsilya û Marignane de ciwanan azadîya Ocalanî waşte

Ciwanê kurdan bajaranê Paris, Marsilya û Marignane yê Fransa de semedê azadîya Rayberê Şarê Kurdî Abdullah Ocalanî vejîyayî meydanan.

Ciwananê kurdan rayberîya TCŞyî de banlîyoyanê Drancyî û Evryî yê paytextê  Paris  û bajaranê Marsilya û Marignane yê Fransa de semedê azadîya Rayberê Şarê Kurdî Abdullah Ocalanî çalakîye kerde.

Marsilya de aktîvîstanê TCŞyî pê pankarta 'Werin Cenga Azadîyê' çalakîya rayraşîyayîşî kerde. Rayraşîyayîşî ra dima nawnayîşêk zî ame kerdene. Ciwanan da zanayene ke ê tewrê Hemleya Seferberîye ya TCŞ û TÊKO-JINî benê.

Banlîyoyê Drancyî yê Parisî de ciwanî pê pankarta 'Ocalanî rê Azadîye' rayîrî ra şîyî. Ciwanan dima rayîr girewte û sloganê sey 'Biciwîyo Serek Apo', 'Ocalanî rê Azadîye' vatî.

Evry de diwanan pê sloganê 'Ocalanî rê azadîye', 'Terorîst Erdogan' çalakîya rayraşîyayîşî kerde û pankarta bi nuşteyê 'PDK şerê kurdan ferz keno-Bimiro îxanet' akerde. Ciwanan dima verê Şaredarîya Evryî de eşkerayîyêke daye.

Marignane de ciwanan pê alayanê PKKyî û fotografanê Rayberê Şarê Kurdî eşkerayîyêke daye û bale ante tecrîdê Îmraliyî ser. Ciwanan pê sloganan azadîya Rayberê Şarê Kurdî waşte.