Seba wedaritişê tecrîdkerdişê Rayberê Şarê Kurdî Abdullah Ocalanî parlamentero Alman zî kewt grevê vêşanîye.

Parlamenterê Eyaletê Hamburgî yê Partîya Çepe Martîn Dolzerî eşkerayîyêk daye çapemenîye û da zanayene,  seba ke paştdayîş bido waştişê çalakwananê grevê vêşanîye, şewa 24'ê Adare de kewto grevê vêşanîye.

Dolzerî bale ante serê tecrîdkerdişî Ocalanî û vat, “Dewleta Tirkî bi nê kerdişanê xo huqûqê mîyanneteweyî binpay kena. Ganî tecrîdkerdişê Ocalanî bêro qedênayene.”

Ocalan seba haştîye eşkeno rolêkê muhîmî kay bikero

Parlamenterê Almanî ard vîrî ke grevê vêşanîye yê parlamentera HDP'yî ya Colemêrgî û hemsereka KCD'yî Leyla Guvene kewto roja 139'ine û yê girewteyanê bînan zî hîrê mengî xo pey de verdayî û da zanayene, rewşa weşîye ya çalakwanan xirabêr bena.

Parlamenterê Almanî vat, “Çalakîya grevê vêşanîye seba merdişî ney, seba ciwîyayene, seba demokrasî û haştî ya. Grevê vêşanîye qîrayîşêko vera neheqîye ya ke demêkê derg a dewam kena yo. Ganî no qîrayîş rayapêroyî yê dinya ra bêro heşnayene. Hetê bînî ra seba demokratîkbîyayîşê Tirkîya û haştîya Rojakewtena Mîyanêne Ocalan sey Nelson Mandelayî eşkono eynî rolê muhîmî kay bikero."

Parlamenter Dolzerî ard ziwan, sere de hukmatê Almanî yê federalî û dewletê rojawanî nêwazenê qîrayîşê grevê vêşanîye biheşnê û vat, “Eke waştişê Leyla Guvene, girewteyanê bînan û aktîvîstan  bêrê