Komîsyonê Têkilîyanê Teberî yê Parlamentoya Belçîka vernîyazê bira şinasnayîşê Qirkerdişê Êzidîyan qebul kerd. Parlamentoya Belçîka qirkerdiş şermezar kerd û şinasna.

Wekîlanê parlamento hukmatî ra waşt ke semedo ke sûcê DAÎŞî û cerganê Sûrîye bêceza nêmanê ganî pêro rayîrê huqûqî bêrê şuxilnayene. Wekîlan waşt ke nê sûcî cade bêrê tesbîtkerdene. Belçîka bire daye ke seba agêrayîşê êzidîyan biba hetkare.

Vernîyaz hetê Demokratanê Xirîstîyanan (CDH) amebi pêşkêşkerdene û partîya N-VA zî morê xo da binê vernîyazî.

CDHyî ra Georges Dallemagneyî komîsyon de qisey kerd û da zanayene ke ê pê bire sereberz ê.

Vernîyaz de bira lîsteya binpaykerdişê heqanê êzidîyan ameye pêşkêşkerdene ke mîyanê ci de kiştişo komkî, kolekerdiş, waştişê fîdye, pê zorî zewijnayîşê cinî û domanan, misilman kerdişê êzidîyan ca gênê.