Vervatoxê Polîtîkaya Teberî ya Partîya Çepe ya Swêdî wekîl Håkan Svennelîngî bi vernîyazêkî waşt ke kurdan ra ganî uzr bêro waştene. Håkan Svennelîngî vist vîrî ke kişîyayîşê Olof Palmeyî ra kurdî ameyî sûcdarkerdene. 

Vervatoxê Partîya Çepe pare kerd ke tehqîqatê kişîyayîşê Palmeyî de polîsan giranîye daye PKK û ê şaş bîyî. Svennelîngî bale ante ser ke polîsan xeylêk tedaya kurdan kerd, kurdî kerdî hedefê hêrişan, heqê multecîtîye yê kurdan zî ameyî betalkerdene.

Håkan Svennelîngî vat: ''Wextê ci ameyo ke hesabê şaşîyan bêro dayene û kurdan ra uzr bêro waştene.'' 

Wezîrê Edaletî Mikael Dambergî waşt ke seba ke kurdan ra uzr bêro waştene ê do têbigêrê.