Partîya Çepgîre ya Swêdî seba ke bale bianca hêrişanê kîmyewîyan ê dewleta tirke ser bi nameyê 'Ti zî vengê xo berz bikerê' kampanyaya bi vîdeoyî daye destpêkerdene.

Vervatoxa Partîya Çepgîre ya Uppsala Ylva Larsdotter vat: ''Ma wazenê bi nê vîdeoyî bala şima biancê. Raporî est ê ke vanê Tirkîya bi madeyanê kîmyewîyan sûcê şerî kerdî. Ti zî vîdeoyêkî biance û medyaya dîjîtale de vengê xo bide eşnawitene.''

Hetkarê Yewinî yê Şaredarê Pîlî Tobias Smedbergî vat: ''Dewleta tirke 39 serrî yo operasyonê îşxalî kena û nika zî raporê şuxilnayîşê çekanê kîmyewîyan destê ma de yê. Na rewşe zaf giran a û ganî dinya bala xo bida ser.''

Wekîle Szatsmari Waldau vat: ''Ganî serê nê raporan ser o giranîye bêra dayene. Şuxilnayîşê çekanê kîmyewîyan sûcê şerî yo, sûcê vera merdimatîye yo û sûcê vera huqûqê mîyanneteweyî yo.''

Endama Heyetê Rayberdişî yê Partîye Yekbûne Alp vat: ''Partîya Çepgîre huqûqê mîyanneteweyî û heqanê şarê kurdî pawena. Ma bi bêvengîye nêbê sûcê nê şerî.''