Partîya Keskan a Swîsre pê serrnameyê 'Ma zî HDP yê' eşkerayîyêke weşanaye û hêrişê vera HDPyî şermezar kerdî 

Partîya Keskan ard ziwan ke ê verî ra HDP teqîb kenê û verê têkoşîn û azadîya cinîyan ê HDPyî de mat manenê. Partîya Keskan îfade kerd ke goreyê şahîdîya înan HDP ronayîşê xo ra nata tim maruzê teda, destbendkerdiş û tepişîyayîşan beno û AKP pê serkewtişanê HDPyî qayîl nîyo.

Partîya Keskan vat: ''Prosesê çareserîye ra dima HDP ame krîmînalîzekerdene, hemşaredarê ci wezîfe ra ameyî girewtene, cinîyê sîyasetmedarî yê HDPyî maruzê îşkenceyî mendî û peynî de vera HDP dewaya qefilnayîşî ameye akerdene.

Nê serebûtî ma rê ferz kenê ke ma paştî bidê HDPyî. Ma wazenê paştdayîşê xo yê semedê sîyasetmedaranê HDPyî pêşkêş bikerê. Ma paştî danê şarê kurdî. Kurdî bi serran o 'semedê ameyoxêkê holêrî bêmabên têkoşîn keno. No têkoşîn dewam keno û ma parçeyêkê nê têkoşînî yê.

Maz zî HDP yê.''