AKPyî 13 wekîlê Partîya Karkeran a Demokratîkan a Sosyalan a Swêdî yê ke waşt heqê weçînayîşê çarenuşteyî yê kurdan bêro naskerdene, kerdbi hedef. Vera AKPyî nêrazîbîyayîşî zêdîyenê.

Dima ke rêxistinanê komelê sivîlî paştî da Sultane Kayhan, Serkan Kose, Roza Guçlu Hedîn û Kadir Kasirga AKPyî û medyaya ci wekîlî kerdbi hedef. Derheqê babete de nameyê Partîya Karkeran a Demokratîkan a Sosyalan ser o Serekê Komîsyonê Karanê Zereyî yê Parlamentoya ya Partîye Kenneth G Forslungî û Sekreterê Karan ê Mîyanneteweyîyan ê Partîye Johan Hasselî eşkerayîyêka hempare daye.

Eşkerayîye de hêrişê medyaya AKPyî yê vera parlamaneteran ame mojneyene û ame vatene: ''Medyaya terefgîre ya rejîmî hêrişê wekîlanê demokratan û sosyalan kena. No nêno qebulkerdene. Erdogan her ke şino beno otorîter. Demokrasîya Swêdî paştî dana HDP û CHPyî.

Ma qebul nêkenê ke Tirkîya hêrişê kurdan û herêmanê kurdan  bikera. Ma heqanê kurdan, xirîstîyanan û ê wetêran pawenê. Ma wazenê tepişteyê sîyasîyî, rojnameger û aktîvîstê demokrasî bêrê veradayene û sîstemê huqûqî xoser bibê. Ma qet qebul nêkenê ke temsîlkaranê Parlamentoya Swêdî rê teda û gef bêrê kerdene.''