Goreyê zanayîşanê ke çimeyanê cayîyan ra ameyî girewtene hêzanê PDKyî 25ê teşrîna peyêne de bajarekê Bamerne de hêzêko xurt ca kerd.

Pîya bi nayî Banke ke  eynî herême de ya nuqtaya kontrolî ya newî naye ro. Goreyê çimeyanê ke qewimîyayîşanê herême nizdî ra teqîp kenê, nê nuqtayî seba ke îşxalkerî rehet bikewê Şingal yenê ronayene.  Xora 1990î ra nate Bamerne de baregehê artêşa tirke esto ke tede tanq û çeke giranî estê.

Sewqîyatê PDKyî yê herême wexto ke hukmatê Iraqî bi hezaran leşker û hêzê taybetî teqwîye kerdî de ame kerdene.

Badê pêkerdişê PDK û Bexdadî yê vera Şingalî, 24ê teşrîna peyêne de sewqîyatê leşker û çekanê giranan dest pê kerdbi.  Zereyê di rojan de tewr tay 8 hezar leşkerî şawiyayî Şingal.

PDK dewro peyên de bitaybetî pîya bi dewleta tirke koordînekerde  vera waranê gerîlayan faalîyetanê leşkerî û îstîxbaratî keno.

Rixmê heme nêrazîbîyayîş û vengdayîşanê kurdan ê çar leteyêna Kurdîstan û Ewropa têgêrayîşo leşkerî yê vera waranê gerîlayan û Şingalî dewam keno.