Rayraşîyayîşê di rojanê ke vizêr ligê Cenevre qedîna ewro bajarê Lozanî de dewam kerd. Pêkerdişê Lozanî serrgêra ci ya 97ine de hetê kurdîstanijan û dostanê înan ra bajarê Lozanî yê Swîsre de bi rayraşîyayîşêk ame şermezarkerdene.

Pîya bi partî û dezgehanê kurdan  dormeyanê demokrasîyî ra xeylêk kesî tewrê rayraşîyayîşî bîyî. Şelîgo ke Meydanê Riponne yo tarîxî de şar ame pêser û bişîarê bi yewyîya neteweyîye ya kurdan do xoverdayîş û rêxitinîye faşîzmî ronê heta verê banê T yo ke tede Pêkerdişê Lozanî ame kerdene, rayra şi û tîya mîtîgêk viraşt.

Bi nameyê CDK Swîsre qiseykerdişê akerdişî ame kerdene dima ra zî bi nameyê KCDK-E, Partîya Hewze, Şaredarîya Lozanî, Partîya Kedkeran qiseykerdişî ameyî kerdene. Temsîlkaranê partîyanê sîyasîyan ê Swîsre ard zian ke ê paştî danê têkoşînê şarê kurdî yê biheqî û Pêkerdişê Lozanî nasnêkenê. Çalakî bi sloganan qedîyaye.