Paytextê Swêdî Stockholm de Kitabxaneyê Kurdî de roja şemeyî kombîyayîşêkê taybetî de PENa Kurdan xelata rûmetî daye 4 roşnvîr û nuştoxan ke nînan ra di kesî eslê xo de xerîb ê.

Kombîyayîş de verî Hemserekê PENa Kurdan Omer Fîdanî qisey kerd û îfade kerd ke ê wazenê kesanê ke wayîrê kurdkî vejîyenê rê hûrmet bimojnê.

Dima Eugene Schoulgin (81-norwêçij-nuştoxe,arkologe, aktîvîste) û Terry Carlbom (85-îngilîz-pisporê zanistê siyasetî), nuştox û şaîr Refîq Sabit û Mihemed Emîn Bozarslanî xelatê xo girewtî. Nê kesan dima ke xelata xo girewtene qisey kerd û kêfweşîya xo arde ziwan.

Dima Bêrîvane Doskî derheqê xebatanê PENa Kurdan de qisey kerd. Refîq Sabirî zî merasîm de wina vat: ''Eke kurdkî çin biba fars, ereb, tirkan ra yew ferqê ma çin o.Çunke ziwanê ma estbîyayîşê ma yo.''

Dima ke çar roşnvîran xelatê xo girewtî şîîrî ameyî wendene û deyîrî ameyî vatene.