Pêramotişê '2+2=KRDSTN' Lozan de dewam keno. Komîteya Yadkerdişî ya Seserra 100. ya Lozanî (Lozan23) û Şaredarîya Lozanî 28ê nîsane de pêramotiş akerdbi. 

Vizêr pêramotiş de  şaîre Dilbere Hêma û nuştox Yaqob Tilermenîyî şîîr û hîkayeyî wendî, muzîsyena ciwane Şarezîne zî flut pif kerd.

Dilbêre Hêma aktîvîte de qisey kerd û vat: ''Çarçewa çalakîyanê Serra 100. ya Peymana Lozanî de çalakîyê hunerî yê winayênî zaf girîng ê. Şarê kurdî rixmê qirkerdiş û îşxalî wayîrê kultur, ziwan û hunerê xo vejîya.''