Şaredarîya Lozanî û Muzeya Tarîxî ya Lozanî seba serrgêra 100. ya Peymana Lozanî pêramotişêkê hunerî akerd.

Pêramotişê 'Sînor, Peymana Lozanî, 1923-2023' Muzeya Tarîxî de ame akerdene. Şaredarê Lozanî Grégoire Junod, temsîlkarê Merkezê Komelê Demokratîkî yê Kurdan, Komîteya Lozanî ser o Sevgî Koyuncu, temsîlkarê partîyan, hunermendî, nuştox û sîyasetmedarî tewrê pêramotişî bîyî.

Dîrektorê muze Laurent Golay derheqê pêramotişî de eşkerayîyêke daye û vat: ''No pêramotiş armanc keno ke têkilîyê ê çaxî û atmosferê ê çaxî bi hunerê modernî bimojno.''

Şaredarê Lozanî Grégoire Junodî akerdişê pêramotişî de qisey kerd û vat: ''Na peymana ke Lozan de bi nameyê 'peymana haştîye' amebî kerdene, heyf ke 100 serran de nêeşkaye haştîye bîyara ca. Na peymane ra semed kurd, armenî, rûm û şaran zaf dejî antî. Coka no pêramotiş seba yadkerdişê dejan o zî.''

Pêramotiş heta 8ê teşrîna verêne Muzeya Tarîxî ya Lozanî de do dewam bikero.