Peymana Lozanî serra 98. de ameye protestokerdene

Peymana Lozanî ya ke 98 serrî verî pê destê dewletanê emperyalîstan amebî îmzakerdene, Swîsre de pê çalakîya rayraşîyayîşî ameye protestokerdene.

Peymana Lozanî ya ke 98 serrî verî pê destê dewletanê emperyalîstan amebî îmzakerdene, Swîsre de pê çalakîya rayraşîyayîşî ameye protestokerdene. Çalakîye pê deqayêkê rêzgirewtişî dest pêkerde. Qiseykerdişê Endamê Komîteya Amadekare Salîh Saglamî ra dima rayraşîyayîş dîya destpêkerdene

Çalakîye de pê sloganan xoverdayîşê gerîlayan ame selamkerdene, azadîya Rayberê Şarê Kurdî Abdullah Ocalanî û yewîya kurdan ameye waştene.

2 saetan ra dima rayraşîyayîş resa bînaya Chateaû d’Oûchyî ya ke tede Peymana Lozanî amebî îmzakerdene. Sîyasetmedarê kurdî Serhat Agirîyî qisey kerd û vat: ''Îmzakerdişê Lozanî ra nata 100 serrî yo kurdî binê gefê îşxal û qirkerdişî de yê. Kurdî hînî na peymane qebul nêkenê.''

Vervatoxê Yewîya Hêzê Demokratîke ya Ewropa Tuncay Yilmazî zî ard ziwan ke Peymana Lozanî verê qirkerdişê kurdan, armenîyan û şaranê kahanan ê Kurdîstanî akerd. Yilmazî vat: ''Ma do destûr nêdê ke na peymane dewam bikera.''

Nameyê Partîya Komunîste ya Kurdîstanî (KKP) ser o Kemal Bîlgetî qiseykerdişê xo de îfade kerd ke Kurdîstan pê Peymana Lozanî 98 serrî verî ame parçekerdene û vat: ''Tek rayîro ke do kurdan binê esaretî ra bixelisno yewîya netewe ya.''

Çalakîye pê sloganan qedîyaye.