Bajarê Pisa yê Îtalya de 25ê adare şewa şemeyî kurdan û dostanê înan ê îtalyanan pîya Newroze pîroz kerde.

Şayîye de adirê Newroze ame tavistene û xeylêk kesan qisey kerd. Komîteya Kurdan, Heyva Sor a Kurdîstanî-İtalya û Mala Jin mesajanê xo de bala ante muhîmîya paştîdayîşê bi şarê kurdî ser û  qala tecrîdê serê Rayberê Şarê Kurdî Abdullah Ocalanî û hêrişanê dewleta tirke yê vera kurdan kerde.

Dima ra humermendan Şahî Abdî û Hozan Çîya deyîrî vatî û  govende ameye girewtene.

Şayîye de semedê mexdûranê erdlerzê 6ê adare hetkarî zî ameye arêdayene.