Bajarê Hamburgî yê Almanya de bi şîarê 'Vera Modernîteya Kapîtalîste Vejîyayîş' konferans yeno kerdene. Konferanso ke tede fikrê Rayberê Şarê Kurdî Abdullah Ocalanî yenê muneqeşekerdene, roja çarine de Endamê Komîteya Rayberdişî ya PKKyî Duran Kalkanî mesajo bidîmen şawit.

Mesajê Duran Kalkanî ra tay nuqtayê muhîmî wina yê: “Têgêrayîşê PKKyî 1973yî ra nata sey têgêrayîşê ronvîr-ciwanan ame ronayene û sey partîyêka serkêşe ca da xo. Têgêrayîşê PKKyî têgêrayîşêko şorişgêr û azadwaştox o. PKK serranê 70 û 80yan de zî waşt nê hetanê xo vejê werte la zafêr hetê sîyasî û leşkerî vejîyayî werte. Xora Rayber Apoyî  wexêk vatbi çekê ci yo tewr xurt ziwanê ci yo.  Xora zaf hol yeno zanayene ke Rayber kesêko rayîr akeno, rayîr xez keno. Rayber perwerde û rêxistin keno. PKKyî pede xo bedilna û aver berd. PKKyo ke xo çarçeweya pardîgmaya newî de newe kerd, yew serkêşo ke perwerde û rêsixtin keno. Rayîr mojneno komelî. Îdareyê sîyasîyî çarçeweya konfederalîzmê demokratkîde komelî rê verdeno. Vera sîstemê îqtîdar û dewlete sîstemê modernîteya demokratîkî raşt vîneno. Heme komelî hewceyê serkêşîyêka sey PKKyî yê.”