Polîsanê dewleta Belçîka şewe saete 01.30 de eşt studyoyanê Stêrk TV û Medya Haber TVyî ser. Polîsan dormeyê bînayanê studyoyan girewt, destûr nêda ke xebatkarê çapemenîye bikewê zereyî.

Polîsan dest na pêro komputeran ser, seba ke weşane asteng bikerê qabloyê ceyran, rejî û komputeran birnayî. Polîsan bîna talan kerde.

Polîsan berê odaya uplinkî şikit, pêro malzemeyê oda texrîb kerdî. Polîsan erkdarê oda kelemçe kerdî, erdî ra derg kerdî û derb kerdî.

Polîsan qasê 4 saetan bîna de talan kerd, bi malzemeyanê ke dest nîyayo ser bîna terk kerde.

Wextê sereştişî de pêro şaristan hetê polîsan ra gêrîya binê ablûqa. Qasê 200 polîsî tewrê sereştişî bîyî.