Goreyê polîsan kesêk şaristanê Gelsenkirchen de  'bi objeyêkî' dekewt wesayîtê polîsan û dima bi nê 'objeyî' hêrişê polîsan kerd.

Goreyê eşkerayîyanê polîsan pê hesîyayî ke destê nê kesî de kardêk esto. Polîsan merdimo bi kardî hîşyar kerd û dima guleyî nayî pa. Ame îdîakerdene ke keso ke ame kiştene 37 serre bi û wexto ke hêrişê polîsan kerdêne vatêne ''Allahu Ekber''

Almanya de serra 2016î de kesêko tunusij bi kamyona xo dekewtbi bazarê Noelî û nê hêrişî de 12 kesî merdî. Cerganê DAÎŞî no hêriş girewtbi xo serî.

Hewteyê vîyarteyî roja îneyî de Paytextê Fransa Paris de kesêk bi kardî hêriş kerdbi. Nê kesî kesêk kiştbi û di kesî zî birîndar kerdbi. Polîsan dima no keso bi kardî kiştbi.