Polîsanê fransizan çend rojan ra nata aktîvîstanê kurdan, komeleya kurdan kenê hedef.

Polîsan venga hemserekê verênî yê Komelê Demokratîkî yê Kurdan ê Fransa (CDK-F) Vedat Bîngolî da ke wa bêro îfade bido. Bîngolî da zanayene ke polîsan pê îdîaya 'heqaretê Erdoganî' ra semed o girewt îfadeyî.

Bîngolî rexne kerd ke no tehqîqar Tirkîya de qewimîyeno û çira Fransa de derheqê mesele de îfadeyê ci gêrîyeno. Bîngolî vat: ''Gelo otorîteyê Fransa pê fermanê Erdoganî têgêrenê?''

Bîngolî twitterî ser o mesajêk pare kerd û vat: ''Hukmatê Fransa rayîrêkê tehlukeyînî de yo.'' û waşt ke wa Fransa peynîya nê sîyasetê gêjonîye bîyara.