Dima ke dewa Lutzerthî ya Eyaletê Ren Vestalya yê Vakurî (NRW) pêşkêşê şîrketa enerjî ya REW amebî kerdene bi rojan rojdemê Almanya de bîye. Hêrişê polîsan hewteyê vîyarteyî de dewe de bi seyan aktîvîstan xeyme akerde û înan projeyê madenan protesto kerd.

Pêkewtişanê bi rojan ra dima polîsanê NRWyî pare kerd ke dewe bi temamî hetê şîrketa enerjî ra ameya vengkerdene. Polîsan dîyar kerd ke tunelanê madenî de teyna çend aktîvîstî mendê û vat: ''Lutzerath de aktîvîstî çin ê.'' Polîsan da zanayene ke hûmara aktîvîstanê ke ameybî destbendkerdene rojanê peyênan de 154 bîye û pêkewtişan de 70 polîsî birîndar bîyê, 30 wesayîtê polîsan zî ameyê rijnayene.

Seba ke hêrişê polîsan bêrê şermezarkerdene û paştî bêra dayene aktîvîstanê xoza roja şemeyî bi bbeşdarîya 30 hezar kesan nawnayîşêk amebi kerdene. Tîya de zî mabênê polîs û çalakîkeran de pêkewtişê çetinî qewimîyabi.

Dewe 2020 ra nata hetê aktîvîstan ra vera talanê xoza pawîyena. Seba bira ocaxê madenan Partîya Keske ya ke şirîkê hukmatî ya, bibî hedef. Hewteyê vîyarteyî de bîna û rêxistinê Partîya Keske bîyî hedefê hêrsê aktîvîstanê xoza.