Hêrişê dewleta tirkee ya îşxalkere û cerganê ci hêrişê dewa Kaxirî ya Efrînî kerdbi û qetlîameyêk viraştbi. Şaristanê Zurichî yê Swîsre de qirkerdiş ame protestokerdene.

Çalakîye de sloganê sey “Bijî Berxwedana Efrînê” ameybî vatene. Çalakîye de nameyê Komîteya Paştdayîşê bi Rojawanî ser o Cîger Efrînî ard ziwan ke dewleta tirke herêmanê îşxalkerdeyan de tim sûcanê şerî kena û bêvengîya mîyanneteweyîye şermezar krde.

Temsîlkara PYDyî ya Ewropa Zozane Derîk zî derheqê hêrişî de agahîyî dayî û bale ante xoverdayîşê Îdareyê Xoserî yê Rojawanê Kurdîstanî ser. 

Qiseykerdişan ra dima bi sloganan hêriş û qirkerdişê dewleta tirke ameyî teşhîrkerdene.