9ê çeleyê 2013î de paytextê Fransa Paris de Sakîne Cansiz, Fîdane Dogan û Leyla Şaylemez ameybî qetilkerdene. Qirkerdişê Parisî şaristanê Aarauyî yê Swîsre de pê çalakîyêke ame şermezarkerdene. Şaristanê Darmstadtî yê Almanya de zî bi merasîmêkî 3 qurbanê qirkerdişî ameyî yadkerdene.

Çalakîya Aarauyî rayberîya Meclîsê Cinîyan ê Rojbîne de ameye kerdene. Çalakîye de nameyê meclîsî ser o Rojbîne Dîlan Çetînkaya eşkerayîye wende. Çetînkaya ard ziwan ke ganî cade mesuldar û kiştoxê 3 cinîyan bêrê cezakerdene. TJK-E ra Dîlane Zaza zî îfade kerd ke Ewropa hemkarê nê qirkerdişî yê û ê do tim teqîbkerdoxê cinîyan ê şorişgêran bibê. Çalakîye pê sloganan qedîyaye.

Darmstadt de zî rayberîya Meclîsê Cinîyan ê Roza de seba Sakîne Cansiz, Fîdane Dogan û Leyla Şaylemez merasîmê yadkerdişî ame kerdene. Merasîm de nameyê TJK-E ser o qiseykerdişî ameyî kerdene û ame vatene ke kurdî do qetî nê qirkerdişî xo vîr a mekerê û medê vîrakerdene. Derheqê Sakîne Cansiz, Fîdan Dogan û Leyla Şaylemez de sînevîzyonêk zî ame mojnayene.