Meclîsê Teberê Welatî yê Şingalî (MŞD) da zanayene ke ê do vera hêrişan rayraşîyayîşêk organîze bikerê û semedê tewrbîyayîşê rayraşîyayîşo ke do Celle ra ver bi Hannoverî bêro kerdene veng da.

Eşkerayî de ame vîrardene ke 2019î ran ata dewleta tirke ya îşxalkere hêrişê Şingalî yo ke semedê êzidîyan cayêko bimbarek o kena û ame vatene ke ê do vera naye nêrazîbîyayîşê xo ramoj nê û waştişê statuya Şingalî bîyarî ziwan.

Dewamê eşkerayî de nê ameyî parekerdene: ''Dewleta tirke wazena ke şarê êzidîyan çîn bibo, herra Şingalî bêro îşxlakerdene û DAÎŞ newe ra ganî bo. La ma do vera nê hêrişan bêveng memanê.  Ma do bi slogana Qirkerdişî rê nê! seba Şingalî statu  17-18ê temmuze de seba di rojan bajarê Celle ra ver bi Hannoverî  rayra şirê.  Badê rayraşîyayîşî ma do verê parlamentoya Hannoverî de mîtîngêk virazê.''

Waştişê ma nê yê:

Wa sahaya hewayî ke dewleta tirke tîya ra Şingalî bombarduman kena cade bêro qefilnayene

Wa Qerarê qirkerdişî ke Konseya Ewropa girewto sey fermî bêro qebulkerdene.

Wa Şingalî rê paştdayîşî humanîter bêro kerdene ke xo newe ra bîyaro pêser.

Wa dewlet û şexê ke hemkarê DAÎŞî yê mehkemeya mîyanneteweyî de bêrê hukmkerdene.