Xeylêk şaristananê Ewropa de qurbanê Qirkerdişê Sêwasî yê 2yê Temmuze ameyî yadkerdene. 

Paytextê Almanya Berlin de endamanê JXK û TCŞyî bi wesîleya serrgêra 30. ya Qirkerdişê Sêwasî (Madimakî) merasîmêk kerd. Merasîm de ame waştene ke wa faîlê qirkerdişî bêrê muhakemekerdene. 

Şaristanê Cenevre yê Swîsre de qurbanê Qirkerdişê Sêwasî û Şehîde Zîlane (Zeynepe Kinaci) bi merasîmêkî ameyî yadkerdene. Nameyê KOMAWî ser o Riza Çetînkayayî Hemserekê CDKyî yê Cenevre Mehmet Latîf Çelebîyî qisey kerd. Înan da zanayene ke nê qirkerdişê sey Sêwasî Peymana Lozanî ra semed ameyê kerdene û venga her kesî dîya ke wa tewrê çalakîyanê serra 100. ya Lozanî bibo. Merasîm bi sloganê 'Şehîd namirin' qedîya.

Şaristanê Langenthalî yê Swîsre de serkêşîya Federasyonê Elewîyanê Demokratîkan de merasîmêk ame kerdene. Merasîm de Pîr Zakîr Alî Maturî gulbangî wendî û derheqê Qirkerdişê Sêwasî de sînevîzyonêk ame mojnayene.