Kesê ke 10ê teşrîna verêne ya 2015î de Qirkerdişê Garî de ameybî qetilkerdene, paytextê Almanya Berlin de rayberîya Paştdayîşê Berlin-Bogaziçi de ameyî yadkerdene.

Hazele Başkoy nameyê paştdayîşî ser o qisey kerd û vat: ''Waştişê ma azadîye û demokrasî yo. Ma biqerardarî ney anê ziwan.''

Merasîmê qirkerdişî de sloganê sey '10ê teşrîna verêne do nêro vîrakerdene', 'Kiştoxe dewlete do hesab bida', 'Vera faşîzmî mil bi mil', 'Şehîdî nêmirenî' ameyî vatene.

Çarçewa merasîmî de derheqê Qirkerdişê Amedî yê 5ê Hezîrane û Qirkerdişê Pirsûsî de fîlmo dokumanter ame mojnayene.