Bajarê Dusseldorfî yê Almanya de, seba Gokhan Gultekîn, Sedat Gurbuz, Said Nesar Haşimî, Mercedes Kîerpacz, Hamza Kenan Kurtovîć, Vîlî Vîorel Păun, Fatîh Saraçoglû, Ferhat Ûnvar û Kaloyan Velkovî ke 19ê adara 2020î de Hanau de  hetê nîjadperestan ra ameybî qirkerdene, merasîmê vîrardene ame viraştene.

Seba sergêra 3ine ya qirkerdişî, bi beşdarbîyayîşê grûbanê antîfaşîst, çepgir û kurdan Oberbîlk Markê de mîtîng ame viraştene.

Hemvervatoxê grûbanê çepgiran, yew bi yew qisey kerdî û waşt ke vernîya rastgirîye bêro girewtene. Nameyê Têgêrayîşê Cinîyanê Kurdan ser o zî Arzû Sorar qisey kerd. Arzû Sorar, derheqê erdlerzî de melumatî dayî û seba paştîdayîşî zî veng da.

Grûbanê ke tîya ra dest bi rayraşîyayîşî kerd, sloganê ‘Nîjadperestî rê ney!, ‘Vera faşîzmî paştîdayîş’, ‘Ma xo vîr ra nêkerdo û nêkenê’ û ‘Ma paştîdayîşî vêşî bikerê’ vat