Qurbanê Qirkerdişê Sêwasî  pê çalakîyan şaristanê cîya-cîyayan ê Ewropa de  ameyî yadkerdene.

Hildesheim

Yadkerdiş hetê Merkezê Komelê Demokratîkî yê Kurdan û Komenê Cinîyan ê Meryeme, Meclîsê Cinîyan ê Cîlo ra ame organîzkerdene. Antifa û Partîzanan zî paştî daye ci. Qiseykerdişan de ame vîrvistene ke Qirkerdişê Sêwasî ewro Şingal, Cizîr, Sûr û Garê Anqara de dewam keno.

Zurih

Pê organîzayonê Yewîya Hezan ê Demokratîkan qurbanê Qirkerdişê Sêwasî şaristanê Zurihî yê Swîsre de ameyî yadkerdene. Stauffarcher de zî pê vengdayîşê Federasyonê Yewîya Elewîyan a Swîsre qurbanî ameyî yadkerdene.

Solothurn

FEDA û CDK-Solothurn îstasyonê trenî de qurbanê Qirkerdişê Sêwasî yad kerdî.

Berlin

Berlin de girseyêk pê rayraşîyayîşêk Qurbanê Sêwasî yad kerdî. Çalakîye hetê Meclîsê Cinîyan ê Destane û NCKDyî ra ameye organîzekerdene. Mahîr Pîrî nameyê FEDA ser o qisey kerd û vat: ''Ganî ma verê nê kiştoxan bigêrê. Her ke ma bêveng manenê şehîdê ma zêdîyenê.''

Paris

Platformê Demokrasîyî yê Parisî pê rayraşîyayîşêk qurbanê Qirkerdişê Sêwasî yad kerdî.  Çalakîye de sloganê sey ''Biciwîye wayûbiratîya şaran'' ameyî vatene.