Welatanê cîya cîyayan ra bi seyan avûkatan semedê zîyaretkerdişê Rayberê Şarê Kurdî Abdullah Ocalan û tepişteyanê bînan ê Îmraliyî muracatê Wezîrîya Edaletî ya Tirkîya kerd. Avûkatî do 14ê êlule de Bruksel de kombîyayîşê çapemenîye bikerê.
Avûkatan rewşa Zîndanê Îmraliyî sey rewşêka taybete name kerde û vat qedexeyê pêvînayîşê Abdullah Ocalanî nîno qebulkerdene. Avûkatan vist vîrî ke Abdullah Ocalan dinya de sey Mendelayê kurdan yeno naskerdene û vat ê wazenê Ocalan û tepişteyanê Îmraliyî zîyaret bikerê.
Derheqê muracatê avûkatan de do 14ê êlule de Kulubê Çapemenîye yê Ewropa yê Brukselî de kombîyayîşê çapemenîye bêro kerdene. Xeylêk temsîlkarê rêxistinanê huqûqî yê do sey qiseykerdoxan tewrê kombîyayîşî bibê.
Huqûqnasê ke do kombîyayîşê çapemenîye de qisey bikerê wina yê:
