Raporê Meclîsê Almanya: Cergê Tirkîya cerganê DAÎŞî visnenê vîrî

Raporî de ke hetê pisporanê Meclîsê Almanya ra ame amadekerdene ame vatene ke cergê artêşa tirke yê ke Vakur û Rojhelatê Sûrîya îşxal kenê manenê cerganê DAÎŞî.

Vervatoxê Karanê Zereyî yê Partîya Çepgîre Ullah Jelkpkeyî çend roje verê cû muracatê Daîreyê Xizmetanê Meclîse Federalan kerdibi û persabi ke komê ke 9ê teşrîna verêne ra nat Vakur û Rojhelatê Sûrîye îşxal kenê senî yenê dîyene. Jelpkeyî daîre rê persa ke seba ke Meclîs wezîfeyê şêwirmendîya zanistîye keno gore ci nê komî wayîrê fikrê 'cîhadî' yê yan ney.

Daîreyê Xizmetanê Zanistîya Meclîsê Federalan vat nê komê ke Tirkîya tira vana Atêşa Mîlî ya Sûrîya bi hawayêkê zelalî xo ra vanê cîhadîst. Gore xebera Michael Knappî yê Serwîsê Almanya yê ANFyî, raporî de bi taybetî tevgêrayîş û metodê cerganê ''Al-Faylaq Majdî'' metod û tevgêrayîşê DAÎŞî visneno vîrî.

Jelpkeyî seba hukmatê Almanya vat: "Hînî vera kerdişanê Erdoganî bi hawayêkê zelalî wayîrê tawirêkî bibê û ambargoyê vera Tirkîya bîyarê ca." Jelpkeyî vist vîrî ke wextê hêrişan de tankê Almanya yê Leopard 2 ameyî xebitnayene. Jelpkeyî vat cergî bi tankan pakîta etnîke kenê û ganî na rewşe de Almanya bêvengîya xo ra fek vera bida. Jelpkeyî vat: "Versîyono newe yê DAÎŞî yeno awankerdene, Ewropa ganî hînî despotîzmê Tirkîya vindarna."