Rayraşîyayîşê Derg ê Enternasyonalîstan ke bajarê Cenevre yê Swîsre de seba azadîya Rayberê Şarê Kurdî Abdullah Ocalanî dest pêkerd, roja dîyine de yo.

Aktîvîstê enternasyonalîstî hetê va û serdî de 13 km rayîr şîyî û hetê Ofîsê Neteweyanê Yewbîyayeyan ê Cenevre de eşkerayîye daye çapemenîye. Aktîvîstan raşîyayîşê xo heta bajarê Versoîxî dewam kerd. Çalakîkerî seba ke şewa xo bivîyarnê agêrayê Cenevre û roja dîyine de şaristanekê Morgesî yê Lozanî dest bi raşîyayîşî kerd.

Aktîvîstan seba vîrardena qurbananê erdlerzê Kurdîstanî milê xo ra bendêko sîya girê da.

Rayraşîyayîş do Wareyê Place yê Riponne de biqedîyo ke, tede Muqaweleyê Lozanî ameybî morkerdene.

Almanya, Îspanya-Katalonya, Portekîz, Fransa, Îngîlîstan, Swîsre, Slowenya, Bûlgarîstan, Keya, Ekvator, Meksîka, Macarîstan, Awûstûrya, Brezîlya û Hîndîstan 120î ra vêşêr enternasyonalîst û kurdistanijî beşdarê raşîyayîşî benê.