Bajarê Îtalya Mîlano de rayraşîyayîşo derg yo ke bi amacê wayîrvejîyayîşê xoverdayîşê rojeyê mergî û grevanê vêşanîye yê hemverê tecrîdkerdişê Rayberê Şarê Kurdî Abdullah Ocalanî de yenê kerdene, dewam keno.
Rayraşîyayîşo ke 20’ê Gulane de bajarê Îtalya Mîlano de dest pêkerd û heta bajarê Pîacena dewam bikero 5 rojî xo ra dima verdayî.
Çalakgeran bajarê Pîacenza de Cooperativa Infrangibile Collettivo Controtendanza de eşkerayîyêk daye çapemenîye.
Derheqê prosesî de seba rojnameyê Lîberta yê çapemenîya çepgire yê tewr pîlî yê Îtalya roportajêko kilmek ame dayene.
Dimayê eşkerayîye ra Cooperativa Infrangibile Collettivo Controtendanza de konferansêk ame viraştene. Konferans de ame vatene ke ganî veng bidê vengê xoverdayoxanê grevê vêşanîye û rojeyê mergî yê ke hemverê tecrîdkerdişê Rayberê Şarê Kurdî Abdullah Ocalanî de yenê kerdene.
Dimayê qiseykerdişan konferans bi sloganan qedîya.
