Rayraşîyayîşo Derg Bonn de dest pêkeno

Rayraşîyayîşo Derg o ke ciwanê Kurdî bi waştişê azadîya Rayberê Şarê Kurdî Abdullah Ocalanî virazenê, ewro  do bajarê Bonnî yê Almanya de bêro destpêkerdene.

Rayraşîyayîşo Derg o ke her serre bi hawayêkê tradîsyonkîyî semedê azadîya Rayberê Şarê Kurdî Abdullah Ocalanî yeno viraştene, ewro do bajarê Bonnî yê Almanya de  bi slogana‚‘Bi Rayberîye rayra şire, kolonyalîzmî çîn bike‘ bêro destpêkerdene.

Rayraşîyayîşo ke do 5 rojî bêro domnayene de  yeno plankerdene ke ciwanî do bajaranê sey Koln, Leverkusenî xeylî bajaran ra ravêrî û Gladbach de çalakîya xo biqedînê. Komîteya Amadekarîye bi eşkerayîyêk bale ante polîtîkaya hêrişkare ya dewleta Tirkî yê vera Kurdan ser û heme ciwananê welatperwer,şorişgêr û enternasyolîstanê ke Ewropa de ra waşt ke wa bi ruhê seferberîye  tewrê rayraşîyayîşê dergî bibê.