Bi wesîleya serrgêra 21. ya Komployê Mîyanneteweyî yo ke 15ê sibata 1999î de ame kerdene de çar leteyanê Kurdîstanî ra kurdî Cenevre de çarçeweya yewîya neteweyîye de ameyî têhet û rayraşîyayîşo derg da destpêkerdene.

Rayraşîyayîşo ke roşnvîrî, hunermendî, sîyasetmedarî û temsîlkarê dezgehan ra tewr tay se kesî tede  ca gênê, roja diyîne de Lozan de dest pêkerd. Çalakwanî dereheqê komplo, tecrîd û îşxalê dewleta tirike yê vera Rojawanî Kurdîstanî de vilawekan vila kenê û bi sloganan azadîya Rayberê Şarê Kurdî Abdullah Ocalanî wazenê. Reyna Qiseykerdişan de bale yena anetene serê yewîya kurdan ser û semedê yewbîyayîşî yeno vengdayene.