Rayraşîyayîşo Dergo ke semedê azadîya Rayberê Şarê Kurdî Abdullah Ocalanî 5ê êlule de bajarê Hanoverî yê Almanya de dest pêkerd vizêr saetanê şanî de Hamburg de qedîya.

Ciwanê ke pê posteranê Rayberê Şarê Kurdî Abdullah Ocalanî kewtî bajar verê Rote Flora de pankerê Xoverdayîş ciwîyayîş o û posterêko gird ê  Ocalanî akerdî. Qiseykerdişê peyênî yê rayrşîyayîşî de vera hêrişê dewleta tirke mesajê têkoşînî ame dayene û xoverdayîşê Heftanîn û Îmraliyî ame selamkerdene.

Ciwanan bale ante polîtîkaya Almanya ya vera kurdan ser û vat: ''Êyê ke vanê na beyraqe qedexe ya, rayberîye, ziwan û estbîyayîşê ma qedexe kenê wa hol bizanê ke ewro na beyraqe destê ciwanan de têşîyena. Wa dewleta almane bizano ke ma bi cuya û estbîyayîşê xo tîya yê û xoverdayîşê ma do dewam bikero.''