Rayraşîyayîşo Dergo ke hetê Têgêrayîşê Ciwanan ê Şorişgêran û Cinîyan ê Ciwanan ê Têkoşeran ra bi şîarê 'Seba azadîya Rayber Apoyî pîya serewedaritiş' 5ê êlule de bajarê Hannoverî de ame destpêkerdene dewam keno.

Çalakwanê ke rixmê hêrişê polîsan coşê xo ra çîyêk vînî nêkerd ewro Rathausê Hamburgî de ameyî têhet. Ciwanî roja peyên a çalakîya xo de do 20 kîlometre Harbugî ra ver bi Hamburgî şirê bi 110 kîlometreyan rayraşîyayîşê xo temam bikerê.

Hetê Komîteya Organîzkerdişî ra eşkerayîye ameye dayene û ame vatene ke polîsanê almananê ke vizêr hêrişê înan kerd bîletî kenê bahane ke no komployêk o. Komîte vera çapemenîya almanya zî hêrsê xo ard ziwan û vat: 'Mesele bîlet nêbî, ma bîletê xo girewtî, polîsan cara hêrişê ma kerd. Seba ke rayraşîyayîşê ma bêro astengkerdene û îradeyê ma bêro şikitene  înan ma rê koplo kerd. Êyê ke ma dir şer kenê gerek hol bizanê ke ma sey ciwanî têkoşînî rê do dewam bikerê û ma do bi Rayberîye Kurdîstanê azadî ronê. Wa dewleta Almanan bizeno ke ê hêrişê ma bikerê, ma derb bikerê zî ma do tim tîya bê û xover bidê.''