Rayraşîyayîşo Dergo ke serkeşîyaTêgêrayîşê Ciwanan ê Ewropa de ame organîzekerdene bi tewrbîyayîşê bi seyan ciwananê kurdan û enternasyonalîstan bajarê Kolnî yê Almanya ra ver bi Aachenî dewam keno.

Roja hîrêyin a rayraşîyayîşî de ciwanan rixmê heme provokasyonan û hêrişanê polîsanê almanî ramojna ke ê senî qerardar ê. Roja çarine de çalakîye îstasyonê trenan ê merkezî yê Duîisburgî de bi rêzgirewtişî dest pêkerd. Badê wendişê Marşê Çarxa Şoreşê bi şîarê An Serkeftin ciwanî kewtî rayîr. Faşîstanê tirkan reyna kerd ke rayraşîyayîş provoke bikerê. Ciwanan bi sloganan cewab da. Rayraşîyayîş bicoş dewam keno.