Ciwanê kurdî vizêr serê sibayî şaristanê Hannoverî yê Almanya de kom bîyî û înan seba ke azadîya Rayberê Şarê Kurdî Abdullah Ocalanî û şermezarkerdişê komploya mîyanneteweyîye dest pê rayraşîyayîşî kerd. Roja destpêke ya Rayraşîyayîşê Dergî şar şaristanê Lehrte de qedîyaye.

Almanya, Fransa, Avusturya, Swêd, Hollanda, Îspanya, Îngilîstan û Swîsre ra nêzdîyê 250 ciwanî tewrê rayraşîyayîşî bîyî. Rayraşîyayîşo Derg bi şîarê 'Seba azadîya Rayber Apoyî pîya serewedaritiş' yeno kerdene.

Rayraşîyayîşî ra verî ciwanan govend girewt, nîqaşî kerdî û plansazîya roja diyîne kerde. Ciwanan vera provakasyonan yewbînî hîşyar zî kerdî.

Roja diyîne ya Rayraşîyayîşê Dergî de ciwano êzidî Arkan (15)o ke 7ê nîsana 2020î de şaristanê Celle de hetê faşîstanê almanan ra kişîya, ame yadkerdene. Ciwanan seba ke bale biancê nê hêrişî ser pankarta bi nuşteyê  “Selbstorganisiert gegen Rassimus in Deutschland und überall '' (Ma vera nîjadperestî Almanya û her ca de xo rêxistin bikerê) akerde.

Ciwanî ewro do Lehrte ra heta Celle qasê 15 kîlometreyan şorê.