Komêka parlementeran a Partîya Karkeran ê Demokratan ê Sosyalan serra 2010î ra nata her serre serebûtê çar parçeyanê Kurdîstanî ercnenê û parlamento ra wazenê ke ''Heqanê meşrûyan ê kurdan'' qebul bikera. 

Wekîlanê Partîya Karkeran ê Demokratan ê Sosyalan Lawen Redar, Laîla Naraghî, Leîf Nysmed, Serkan Kose, Teres Lîndberg, Kadîr Kasırga, Thomas Hammarberg, Roza Guçlu Hedîn, Mathîas Tegner, Johan Buser, Dag Larsson, Sultan Kayhan, Magnus Manhammar tewr peyên teşrîna verêne de vernîyazo hîrêyîn dabi parlemnto. Dima zî medyaya AKPyî nê wekîkan ra Serkan Kose, Sultan Kayhan, Kadir Kasirga û Roza Guçlu Hedîn kerdî hedef.

Xebere pêro organanê çapemenîya AKPyî de bi hawayê 'Swêd de wekîlan ra ke aslê xo de tirk ê vernîyazêko kustax! Ê rêxistina terorî PKK wasifnenê.''

KAsirgayî derheqê babete de wina vat: ''Ma heqê xo yê qanûnî xebitnenê û her çi eşkera kenê. Ma paştdayîşê xo yê seba HDP û CHPyî dewam bikerê.''

Serkan Koseyî zî hesabê xo yê facebookî ra derheqê hedefmojnayîşî de wina vat: ''Ma çarçewa demokrasîyî de vera ney do bêveng nêmanê. Kamcayê dinya de beno wa bibo ma do azadîye, têdûştîye, edalet bipawê.''

Merkezê Komelê Kurdan ê Demokratîkî yê Swêdî pê eşkerayîyêka nuştekîye da ke vera gefanê rejîmê Erdoganî ê do hetê wekîlan de bibê  û vist vîrî je 13ê hezîrana 2018î de Ajansê Xeberan ê Swêdî Ekotî, Radyoyê Danîmarka pare kerd ke dewleta tirke vera muxalîfan amadekarîya sûikastan kena.

Federasyonê Kurdan ê Swêdî zî var ke ê qebul nêkenê ke çar wekîl bêrê hedefkerdene û venga Hukmatê Swêdî da ke vera hêrişanê antî-demokratîkan ê serê kurdan vindero.